Plantun de Prouvènço

Pèr coumpara dos planto d'encò nostre

Galium pusillum & Aloina ambigua

Galium pusillum

Rubiaceae

Noms en français : Gaillet fluet, Petit Gaillet.

Descripcioun :
Aquesto reboulo es uno planto naneto de paret e de mountagno que fai de mato verdo claro. Ei pulèu eisado à destria emé si fueio primo acabado d'uno longo arèsto primo tambèn e subretout lusènto.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 2 à 15 cm
Fueio : verticilado
Tipe bioulougico : Emicriptoufite
Cicle bioulougico : Planto renadivo

Gènre : Galium
Famiho : Rubiaceae

Ordre : Gentianales

Coulour de la flour : Blanco
Petalo : 5
Ø (o loungour) flour : 2 mm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun
Remarco : Endemico dis Aup

Liò : Roucas - Mountagno mejano - Basso mountagno - Auto mountagno
Estànci : Mesoumediterran à Subaupen
Couroulougi : Mediterranenco-Mountagnardo-Nord-Ouèst
Ref. sc. : Galium pusillum L., 1753

Alouessoun-à-double-entèndre

Aloina ambigua

Pottiaceae

Nom en français : Alouine ambigüe.

Descripcioun :
Aquelo mousso coumuno trachis en gazoun dense verd o un pau jauno. Se recounèis à si fueio espesso, en lanço, emé lou bout redoun (cucula). Fai souvènt d'espouroufite bèn que siegue diouïco e alor acò douno uno coulour pu bruno e rouginello au gazoun. Trachis sus li sòu argielous e sablous souvènt proche d'oustau.

Usanço :
Es proche d'àutri meno dóu meme gènre. Se destrìo de Aloina aloides que trachis dins li mémi relarg, pamens se n'en destrìo bonodi la membrano dóu peristome que sort de l'urno (se vèi pas pèr A. aloides), e peréu emé soun bout de fueio redoun (pounchu pèr A. aloides) e sis espouroufite mai dre (clina pèr A. aloides).